Este sitio web utiliza cookies y otras tecnologías, propias y de terceros, para obtener información sobre tus preferencias, navegación y comportamiento en este sitio web. Esto nos permite proporcionarte distintas funcionalidades en la página web, personalizar la forma en la que se te muestra, o analizar nuestro tráfico.Puedes consultar más información sobre nuestra Política de CookiesPuedes aceptar todas las cookies pulsando el botón “Permitir cookies” o configurarlas o rechazar su uso clicando "Configurar cookies".
Las cookies estrictamente necesarias son aquellas de carácter técnico, que deben estar siempre activadas para que la web funcione correctamente, así como para que podamos guardar tus preferencias de ajustes de cookies.
Esta web utiliza Google Analitycs para recopilar información anónima que nos permita medir, por ejemplo, el número de visitantes del sitio, o las páginas más populares. Activando estas cookies, nos ayudarás a continuar mejorando nuestra web en base los intereses de nuestros usuarios.
Menura itzuli
Ikastaroak ( 2020/01/31 - 2020/02/28 )
Datak: 2020ko urtarrillaren 31 eta otsailaren 7, 14, 21 eta 28aOrdutegia: 9:00etatik 14:00etara eta 15:00etatik 18:00etaraNon: Bizkaiko Industri Ingeniarien Elkargo Ofiziala (Mazarredo, 69 - 4. solairua, Bilbo)Iraupena: 40 orduGehienezko partaidetza: 25 pertsonaModalitatea: Aurrez aurrekoa
Project Management Professional (PMP®) eta Certified Associate of Project Management (CAPM®) ziurtagiriak lortzeko prestakuntza-ikastaroa. Ziurtagiri horiek Project Management Institute (PMI®) delakoak ematen ditu.
PMP eta CAPM proiektu-kudeatzaileen ziurtagiriak dira, nazioarte mailan ospe handiena dutenak. Titulu hori lortzen duen profesionalak bere kualifikazioa hobetzen du eta bereizgarri bat lortzen du; horrek lana eta baldintza ekonomiko hobeak lortzeko aukera gehiago emango dizkio.
Apurka-apurka enpresei eskatzen ari zaie langile kopuru jakin batek PMP® ziurtagiria izatea, proiektuetako lider gisa aritzeko. Hainbat organismo publikok eta gero eta enpresa pribatu gehiagok eskatzen dute, lehiaketetan parte hartu ahal izateko, Proiektuaren zuzendariak ziurtagiri hori edukitzea.
Project Management horrek proiektuen bizi-ziklo osoa hartzen du bere gain: Ezarpena, kostuen kudeaketa, arriskuak eta kalitatea.
Modulu bakoitzean eduki teorikoak aurkeztuko dira, kasu praktiko bat egingo da eta azterketa motako galderak egingo dira.
Daniel Echeverría.
Bide, Ubide eta Portu arloko Ingeniaritzan doktorea. Madrilgo Unibertsitate Politeknikoa. Executive MBA, ESIC. Project Manager Professional PMP® - PMI. Certified Scrum Master CSM - Scrum Alliance.
CDPSchool erakundeko Bazkide Zuzendaria eta Zuzendaritza Estrategikoko eta Proiektuen Kudeaketa arloko Bazkide Zuzendaria.
30 urtetik gorako esperientzia dauka aurreikuspen proiektuak (PMBOK, Prince2) zein proiektu arinak (Scrum, Kanban, Design Thinking) kudeatzen. Programa eta proiektuen kudeaketarako tresna nagusiak menperatzen ditu.
Liburu honen egileetako bat da: "Manual para Project Managers: Cómo gestionar proyectos con éxito". 3. edizioa argitaratu da dagoeneko. CDPSchool erakundeko Bazkide Zuzendaria.
Carlos José Conejo.
Bide, Ubide eta Portu arloko Ingeniaria. Madrilgo Unibertsitate Politeknikoa. MBA, ESIC. Master BIM Management. Project Manager Professional PMP® - PMI. Agile Certified Practicioner PMI - ACP. Professional Scrum Master PSM Scrum.org. Kanban Management Professional KMP-II Lean University. Management 3.0 certified. Certified Lego® Serious Play® Facilitator.
Gaur egun, ekintzailetza eta kolaborazio proiektu ugari garatzen ditu enpresa eta negozio eskola ezberdinekin, prestakuntza eta proiektuen zuzendaritzari lotuta.
20 urteko esperientzia zenbait enpresatan eta arlo ezberdinetan: Sailetako Zuzendaritza, Proiektuen Zorro-kudeaketa, Proiektu Estrategikoen Zuzendaritza eta Produkzio Zuzendaritza.
Hainbat motatako proiektuetan lider gisa aritu da lanean eta enpresako erantzukizun arlo guztietan jasotako esperientzia partekatu dezake.Prestakuntza arloko esperientzia handia, bereziki Proiektuen Kudeaketan, ikuspegi arinetan, Proiektuen Kudeaketarako tresnetan, zuzendaritza gaitasun eta trebetasun pertsonaletan eta eraginkortasun eta produktibitatearen hobekuntzan.
Liburu honen egileetako bat da: "Manual para Project Managers: Cómo gestionar proyectos con éxito". 3. edizioa argitaratu da dagoeneko.
Carlos Monreal.
Project Manager Professional. Informatika ingeniaria. Gaur egun GFI multinazionaleko Nafarroako ordezkaritzaren ardura dauka, eta H2020 proiektuen ebaluatzaile aditua da Europako Batzordearentzat. Aurretik, Program Manager gisa lan egin zuen Nafarroako Gobernuan; Europa mailako proiektuen koordinatzailea izan zen S21Sec erakundean, segurtasun digitalaren arloko enpresa liderra; eta Project Manager eta Arkitektoa izan zen Indra erakundean.
17 urteko esperientzia dauka proiektuen zuzendaritzan lanean. Honako rolak garatu ditu bere eguneroko lanean: proiektu kudeatzailea, portfolio kudeatzailea, Europa mailako proiektuen kudeatzailea edota kudeatzaile-ekipoen koordinatzailea (PMO). Hainbat multinazionaletan lan egin du; hala nola Indra edo S21Sec, ekipo teknologikoen lider gisa, aurreikuspen eta arintasunean oinarritutako ikuspegiak aplikatuz, PMP eta CSM ziurtagiriak lortu osteko ezagutzak aplikatuz. Bere lan profesionalari esker, proiektuen araberako kudeaketara, eta enpresako proiektuen kudeaketa arinera bideratutako estrategiak ondo ezagutu ditu.
15 urteko esperientzia dauka irakaskuntzan. Azken urteetan proiektuen kudeaketan espezializatu da, aurreikuspen zein arintasunaren ikuspegietatik.
BIIEOeko Elkargokideak: 910 €Langabezian dauden BIIEOeko Elkargokideak: 650 €BIIEOra atxikitako ikasleak: 650 € BIIEOeko elkargokideak ez direnak: 1.300 €
Eskatzaileak ikastaroa hasi baino bi egun lehenago (edo gutxiago) ikastaroari uko egiten badio, BIIEOk eskubidea izango du matrikularen %15 beretzat gordetzeko, administrazio, dokumentazio eta plaza-erreserbagatik.
Ikastaroa hasita dagoenean izen-ematea deuseztatzen bada, edo deuseztapen hori jakinarazi ezean, BIIEOk eskubidea izango du matrikularen %50 beretzat gordetzeko.
Kontaktua: 944232244 formacion@coiib.es
* Enpleguaren Prestakuntzarako Estatu mailako Fundazioaren hobariak BIIEOk tramitatzea nahi duten enpresek beren langileen izena eman beharko dute, ikastaroa hasi baino gutxienez 20 egun lehenago jakinarazita.
Prezioak barne hartzen du:
Ziurtagiria lortzeko azterketaren tasak ez daude barne (ikusi: PMI Informazio Praktikoa atala)
PROJECT MANAGEMENT PROFESSIONAL (PMP) )® EXAMINATION CONTENT OUTLINE BERRIRA EGOKITUA. 2020KO UZTAILAREN 1ETIK AURRERA EGITEN DIREN AZTERKETETARAKO JARRIKO DA INDARREAN.
Beraz, ikastaroko materialak zein 4.000 galderatik gorako simulatzailea eguneratuta egongo dira, PMI tresnak uztailaren 1etik aurrera egingo diren azterketei emango dien ikuspegi berriaren arabera.
1. EGUNA
1. Proiektuen Kudeaketaren Hastapenak.Zer da proiektu bat. Programak eta planak. Zertan datza Project Management delakoa. Proiektuen araberako kudeaketa, egitura hierarkikoak eta matrize egiturak. Project Manager figuraren rola eta funtzioak.Proiektu baten fase eta zikloak ezagutzea. PMBOK egitura: Ezagutza eremuak. Prozesu-taulak, prozesu eta ezagutza multzoen arabera.
2. Integrazioaren kudeaketa.Eskema orokorra eta aurreikuspen kudeaketaren ezaugarriak. Nola antolatu aurreikuspenean oinarritutako proiektu kudeaketa. Proiektuaren aspektu guztiak koordinatzea. Konstituzio Akta. Proiektuaren Zuzendaritza Plana lantzea. Proiektuaren egitekoak zuzendu eta burutzea. Ezagutza kudeatzea. Proiektuaren barneko lanak monitorizatu eta kontrolatzea. Aldaketen kontrol integratua. Proiektuaren itxiera.
3. Ikuspegi arinaren bidezko proiektu kudeaketa (1)Definitu daitekeen lana versus ziurgabetasun handiko lana. PMI Arinaren Gida Praktikoa.Arinaren inguruko oinarriak: Manifestua, mentalitatea, ziurgabetasuna eta arriskua eta bizitza-zikloa. Bizitza-ziklo mota hautatzea (egokitzapenean eragiten duten faktoreak). Inplementazio arina: Eremu arin bat sortzea. Arinaren inplementazioa: Proiektu arin baten entregak.
2. EGUNA
4. Ikuspegi arinaren bidezko proiektu kudeaketa (2)Antolakuntza. PMBOK Gidaren eta PMI Praktika Arinaren Eskuliburuaren arteko bat etortzeak. Manifestu Arinaren eta PMI Praktika Arinaren Eskuliburuaren arteko bat etortzeak. Zuzendaritza gaitasunak eta pertsonen artekoak ikuspegi arinetan. Arin eta lean erreferentzia esparruen ikuspegi orokorra.
5. Norainokoaren kudeaketa.Proiektuaren Norainokoa kudeatzeko lanaren barruan, proiektua ondo burutzeko beharrezko lan guztia (eta soilik guztia) kontuan hartzen duela bermatzeko prozesuak daude. Proiektuaren Norainokoaren Kudeaketaren helburu nagusia proiektuan zer barne hartzen den eta zer ez zehaztu eta kontrolatzea da. Aurreikuspen eta ikuspegi arinen arteko desberdintasunak, antzekotasunak eta ezaugarriak.
6. Kronogramaren kudeaketa.Kronogramaren kudeaketa: Proiektua garaiz bukatzeko beharrezko prozesu guztiak barne hartzen dira. Prozesu horiek honakoak dira: Jardueren definizioa, jardueren sekuentziak ezartzea, jardueren baliabideak kontuan hartzea, jardueren iraupena programatzea, eta kronograma garatu eta kontrolatzea. Aurreikuspen eta ikuspegi arinen arteko desberdintasunak, antzekotasunak eta ezaugarriak.
3. EGUNA
7. Kostuen kudeaketa.Kostuen kudeaketa: Proiektua onartutako aurrekontuarekin burutu ahal izateko moduan kudeatu eta kontrolatu behar dira kostuak, eta horrekin erlazionatutako prozesuak barne hartzen dira atal honetan. Irabazitako Balioaren Metodoa. Aurreikuspen eta ikuspegi arinen arteko desberdintasunak, antzekotasunak eta ezaugarriak.
8. Kalitatearen kudeaketa.Kalitatearen kudeaketa: Proiektua egoki burutzeko erantzukizunak, helburuak eta kalitate politikak zehazten dituzten prozesu eta jarduerak jasotzen dira hemen. Aurreikuspen eta ikuspegi arinen arteko desberdintasunak, antzekotasunak eta ezaugarriak.
9. Baliabideen kudeaketa.Giza Baliabideen kudeaketa: Proiektuko taldearen antolaketa, kudeaketa eta bideratzearekin erlazionatutako prozesuak. Proiektua burutzeko rol eta erantzukizunak ematen zaizkien pertsonek osatzen dute talde hau.Baliabide fisikoen kudeaketa: Proiektua burutzeko beharrezko baliabide fisikoen eskuragarritasun eta eraginkortasunaren plangintza eta kontrola.Aurreikuspen eta ikuspegi arinen arteko desberdintasunak, antzekotasunak eta ezaugarriak.
4. EGUNA
10. Jakinarazpenen kudeaketa.Jakinarazpenen kudeaketa: Beharrezko prozesuak inplementatzen dira proiektuaren inguruko informazioaren biltegiratzea, banaketa eta berreskuratzea egokiak izateko.
11. Interesdunen kudeaketa.Interesdunen kudeaketa: Proiektuaren eraginpean egon daitezkeen pertsona, talde edo erakundeen identifikazioan laguntzeko prozesuak garatzen dira. Interesdunek espero dutena eta proiektuaren eragina ondo ezagutu eta ebaluatzea da asmoa.Aurreikuspen eta ikuspegi arinen arteko desberdintasunak, antzekotasunak eta ezaugarriak.
12. Arriskuen kudeaketa.Arriskuen kudeaketa: Arriskuei erantzuna emateko kudeaketa, identifikazioa, azterketa eta plangintzarekin erlazionatutako prozesuak eta proiektuan zehar arriskuen inguruko aspektu guztiak kontrolatzeko prozesuak garatzen dira.Aurreikuspen eta ikuspegi arinen arteko desberdintasunak, antzekotasunak eta ezaugarriak.
5. EGUNA
13. Erosketen kudeaketa.Erosketen kudeaketa: Proiektua burutzeko beharrezko ondasun eta zerbitzuen erosketa-prozesuak barne hartzen ditu.Aurreikuspen eta ikuspegi arinen arteko desberdintasunak, antzekotasunak eta ezaugarriak.
14. PMP® PRESTAKETA.
Parte-hartze ziurtagiria emango zaie asistentziaren % 75a betetzen duten ikasleei.
PMC eta CAPM ziurtagiriak lortzeko baldintzak
Industri Ingeniariak "Four Year degree" kategorian daude; beraz, PMP Ziurtagiria lortzeko akreditatu egin behar dira.
Guzti hori azken 8 urteetan.
Azterketa-tasak PMP eta CAPM ziurtagiriak lortzeko
BIIEOren kasuan taldeko azterketa bat egingo da (PBT Exam). Ziurtagiri Azterketaren kostua 335 eurokoa da PMI-ko bazkide ez direnentzat eta 205 eurokoa PMI-ko bazkideentzat.CAPM Ziurtagiria lortzeko azterketa-tasak, taldeko azterketa batean (PBT), 250 eurokoak dira ez bazkideentzat eta 185ekoak bazkideentzat.
PMI-ko kidea izateak 107 euroko kostua dauka urtean (139 USD). Beraz, hautagaiei gomendatzen diegu lehenengo urtean PMI-ko bazkide egiteko; horrela 23 euro aurrezten dira (130 - 107) eta urte horretan PMI estandarrak deskargatu ahal dituzte eta proiektuen kudeaketari buruzko informazio interesgarri asko lortu.
Bizkaiko Industri Ingeniarien Elkargo Ofiziala
31 urtarrila 2020
7 otsaila 2020
14 otsaila 2020
21 otsaila 2020
28 otsaila 2020
Bozkatu:
Emaitzak:
2 Boto
Hitz gakoa
Ikastaroak
Arreta ordutegia: Astelehenetik Ostegunera: 9:00etatik - 18:00etara jarraian, Ostiraletan: 9:00etatik - 14:00etara. Udan 09:00etatik 14:00etara